موقع الشعر الشعبي العراقي
موقع خاص بالشعر الشعبي العراقي من اوزان وقصائد وكل ما يتعلق بالشعر الشعبي العراقي
جديد الامبراطور نائل المظفر



 

جديد الشاعرنائل المظفر
((( تـبـريــت )))
بعد ياصاحبي لا تحجي وياي لأن ماقدرت كل السوالف
امس ماسامحتني وانتَ غلطان خمس مرات اجيت وكتلك آسف
بس انه اعتذر وانته ابن القصور قابل تعتذر لبن الصرايف
عله موقف غلط مني تبريت وعيونك نست كل المواقف
اوخمس اسنين الك شمعه انه ضويت اضوي واحتركلك وانه خايف
وتطفيني العواصف وابقى اضويك اوتخليني وتروح وي العواصف
((( الصديق )))
حجيك كله يوصل بس اعدي لان قل مستواه عن سمع اذاني
اولآن بس الوراي بظهري يحجون وراي انته الحجي من ظهري اجاني
وانه اول والوراي الرابع يصير لاثالث وراي ولاكو ثاني
اخليك بمكاني وكلشي ميصير تگول الناس فارغ ضل مكاني
تشوف اصفاح وجهي لوجهي مكفاي مثل وجه النخل ماعندي ثاني
تگص بيه اصدقائي وتطعن اعداي اواناني اوانوكل بس مواناني
المهم ملگه اليضيف لايصب جاي احس الماي شبعني وكساني
ينشدوني شنو بحلكك ماكلت ماي كلت وجهين متروسه الصواني
اوتعرف ليش اني حبتني الناس لأن عالراس حطيت اصدقائي
وصديقي المايحطني عگال عالراس بعد قيطان ماشده بحذائي

((( الوحدة الوطنية )))

ليـش اكللحـم اخــوي وليــش ياكـــل هـــوه لحمــــي
مـدري لـون الورقـه يثــول مــدريوجـه الكرســي يعمــــي
انته من ترمي عليه وانه اظـل ارمــي عليـك عالهـدفياهـوه يرمـــي
تدري ليش الضبيه فرت من ادينه يم صـدره ادافع عن سهمـكوسهمـــي
احنه نتحارب عليش لو گـصيـر اردان هدمـك جملـه من اردانهدمـــي
ومده فـوگ القمـه واصعــد تلگــه اسمــك شابــگ اسمــــي
انته تعرفليش طحنه ماكو واحد يحفرلنه وماكو حفره انته معمي وانه معمــي
اتصادمن جدمكبجــدمي طــاح جسمــك طــاح جسمــــي
بعده ياخويه الدرب كلش طويل ليش اكسر عضمكوتكسـرلي عضمـــي
احنه نتنافس عليش وانته نص الدوله سهمك وانه نص الدولــهسهمـــي
ماكفــاه درب الله جدمــك من عبـــر داس اعلــى جدمــــي
وبالسجـنكاشيــه وحــده وانتــه چنــت تنــام يمـــــي
وكيبل المر اعلى جسمــك من تعــبنــام اعلــى جسمــــي
بعد ما انتخب لا والله والعبـاس لو كتبـو اسم بـأيــاتقـرأنـــي
بيت الطين يرجف وهمه عرگانين وصورهـم لزگوهـا بطيـنحيطانـــي
وشعارات اعلى بيتي يدگله طول اقماش وانه بعازت گماط يغطيرضعانــي
رد الفندقك والجبته اخذه وياك ماريـد القصـر ردنـي اعلـىبنيانـــي
گبل گطنه اعلى حلگي وماصحت مظلوم وجيت انته وشلتها تحـررلسانـي
وگتلي براحتك اصرخ الف مظلوم تره الگطنه لبحلگك صارتبذانـــي

((( الوصية )))
اوصيك أبحياتي ونفذ اليوم
لان ميفيد من توصل منيتي
كبل موتي وصيتي اتحطلي تمثال
وبعد موتي وصيتي أشك وصيتي
تعيشني حياتي أبيت مهدوم
وتانيني من أموتن تبني بيتي
شنو انه أتريد امدحك وأنته رجال
أوغش اعقول وأطيح أبخطيتي
وبعد شتريد قلمي ايحارب الجوع
وأطيح طائرات أبمنديقتي
كبل عندي قضيه وشعري بس بيت
بس العوز ظل يزني أبقضيتي
أكص من هويتي وتطلع أسماء
هويتهم تصير أبكد هويتي
مثاليات بسك أني جوعان
أريد أكل خبز خل أيولي صيتي
أبوي وأمي أغله اشما يصفون
أسمنهم واظعف شاعريتي


$$$الأبوذيات $$$
يوسف شافك بحلمه قصيده
وابو الطيب خجل يمك قصيده
عينك شاعر ورمشك قصيده
وعمت عينه اليكلك مو قوية
اعترف فزتي عليه ونتصرتي
وَ وْن ضليت منج ونتي صرتي
صرت مرحب كبالج ونتي صرتي
علي ونصين طحت عله الوطية
امتحنتك ردت اجربنك صح تحل
تشد جرحي واذا يشفه صح تحل
بعدني ماطحت يمك صحت حل
لو طايح صدك شتسوي بية
عليَ جار الوكت تنشد بلا جار
عفت بيتي اوسكنت البر بلا جار
بلا صاحب بلا زاير بلا جار
خيال الكوخ صاير جار الية
زاد بگلبي شوگك وانتقل بيه
وصعد للراسحبك وانتقل بيه
أحب شلون غيرك وانته قلبي
وانه بگلبي احبن مو بدي

للعملاق البصري
نائل المظفر

(2) تعليقات


Add a Comment

اضيف في 10 يوليو, 2009 12:45 م , من قبل abomohmed68
من لإمارات العربية المتحدة

المبدع الوفي سامر الناصري جميل في زمن صداقة المصلحة

ان تجد صديقا مخلصا

قصيدة رائعة وشكل شعري اروع

احتوى معاني الوفاء والاخلاص

دمت بحفظ المولى

ابومحمد

اضيف في 20 يوليو, 2009 11:17 م , من قبل ehabalmalike65
من لإمارات العربية المتحدة

شكرا ابو محمد على الرد الجميل



Add a Comment

<<Home