موقع الشعر الشعبي العراقي
موقع خاص بالشعر الشعبي العراقي من اوزان وقصائد وكل ما يتعلق بالشعر الشعبي العراقي
وين اشوفك .....محمد رحيمه الطائي

,,ويـــــــــــــــن أشـــــــــــــــــوفك ,,

وين أشوفك ؟!
ياهو اليدليني بيك ؟؟
روحي ليليه يمر بيها غرامك ..
ودمعة صارت تشتهيك ..
ضعت وين ؟!
بيا محطة ؟ .. بيا مدينة ؟
بيا مكان ..؟
ويا صدر دافي بسرارك يحتويك ؟!
المشكلة شلون انسى حبك ..
وآني حتى عيوني تسألني عليك ..
المكان البي گعدنه ..
گام يسألني عليك ..
والطريق البي مشينه ..
هو هم يسأل عليك ..
والورود الزاهيه تغير عطرهه ..
لأن يمكن فارگت لمسة اديك ..

وين أشوفك ؟!
وكل شبر من عمري الك بي الف ذكرى ..
وانت عمري ..
وهم شفت فد يوم واحد ينسى عمره ؟!
آني احس كل الأماكن تحمل بداخلها حسره ..
المشكلة وتسألني عنك ..
وياهو اليلاگيني هم يسألني عنك ..
وآني شايل ذكرياتي بگلبي جمره ..
او وصلوا بيدي إلك مية سلام ..
الهوى .. الهوى يسلم عليك ..
والشجر يبعث تحيه وگام يسألني عليك ..
حتى ألبوم الصور .. لمن يذكرك ..
يبچي ..
يبچي ويذكرني بيك ..
وين أشوفك ؟!
دورت أحلامي حسبالي اشوفك ..
وسألت عيني ..
گلت ..
بلكي بقى شي من طيوفك ..
وما لگيتك ..

أنت وين ؟!
گمت أدور بين أوراقي القديمة ..
الغافية ابفي السنين ..
وگمت أرد لأيامي واسألهه عليك ..
هيه هم تسألني وين ؟!
وينك أنته ؟!
آني من اشتم عطر .. حسبالي جيت ...
وأركض بلهفة .. وبعد ميلمني بيت ..
وثاري مثل الحلم يخلص لو صحيت ..
وانت ماكو ..
وكلشي يسألني عليك ..
الليل من أسهر ..
اشوفه يلمح ويسأل عليك ..
كلشي يمي ..
حزني ..
تعبي ..
قلقي ..
وكل ذرة مني هايمة وتسأل عليك ..
آني لو أندل مكانك ..
يمكن عيوني تجيك ..
كون أعرف ..
هم بعد گلبك يحبني ..
لو نسه ؟!
وكون أعرف ..
بعد بگليبك محنه ..
لو ظروف الغربة خلنه قسه ؟!

(2) تعليقات


Add a Comment

اضيف في 10 اغسطس, 2009 01:23 ص , من قبل taya83

اخي العزيز ...

كلمات جميلة و مشاعر رائع منك كثبت

هذه الحروف ،،،،،

اسعد الله ايامك دائما

اختك في الله ... تاااياااا

اضيف في 16 اغسطس, 2009 01:23 م , من قبل ehabalmalike65
من لإمارات العربية المتحدة

الشكر موصول الك يا
يا تايا على المرور الحلوو والرد الاحلى
تقبلي تحياتي
سامر الناصري



Add a Comment

<<Home